احجي واياك وحدي وانت ماموجود وسوالفلك عليه وانت مو يمي
واصيح واشتكيلك واصرخ من الاه ولا جني اشتكيلك واحرك ابدمي
تلم بيه حطب لاتكلي المن بيك لئن جاسك برد مو كاتلك لمي
ولا كلبك عليه وتحزن من ارتاح وتغني من الكلب من اغرك ابهمي
فصمه انا وتطمني وبس اضوك الماي
اصعد عالتراب الكيف ابطمي وخضر وياخضاري وعلى فوك الكاع
وينذم اليذمني ويزغر ابذمي بس هيه المصيبه اشوكت اكض الماي
وفك حلك القفص ويطيرا اجلمي وادلي عالطعني
وقاصت الاسرار اكسره وطش عالخلك ذمي
واحط حد للقلق والخوف والوهواس حاسبه الجفوف الكثرت غمي
كبل شفت الطعني وكلت لامو هاذ وشفت دمي عالسيفه وماكلت دمي
هسه احجي وكول ودثله اصير اوياه بالملاكه حلو وماينقبل شمي
____________________________________________________________________
شيعوضني الدمع وانه الخسرته هواي
وعلى رملة امل كل عمري وشلته
وانه الباكو نهاري ورحت ادوره بليل
والمسودن طبع ميعوف سالفته
على نفس الدرب ذبولي بس الصوف
حته ارجع واكول ذياب ماكلته
وانه الماصبر والعطش ماوازاه
دنت نفسه وذبح بالصحره راحلته
كلب ماجنه كلبي جــــــــني متـــــبنيه
جرعته القهر مايـــــــــوم دللتــــــــه
طفل من ايده اكوده وهوه يمشي ويــاي
وعلى ضحكه بكـــهف للــموت نــزلته
انقفل باب الصبر كد ما ادك عليه
مو خالي كرم بس انه مللته
بعد ماهد سهم كون الطريده بعيد
مابيهه فخر لو كول وصلته
وشفت عصفور ميت كل جرح مابيه
حرت هذه المنيه شلون واصلته
شلت راسي وشفت بالشجره عش محروك
كلت هذه السبب والحركه كاتلته
ونفس موته متت والجسد لحد الروح
وحسرات الجفن وبدمعي غسلته
وسحب سيفه الزمن هل من منازل صاح
اعزل ماخفت والزمن نازلته
مالحته ابد لاكن ترسني جروح
بس عندي المهم ماعفته قاتلته
دبسك ياضمير الصار بيه هواي
بسك هالعمر مايوم جاملته
حذر بسوالفي نكلة جدم صياد
وسال خاطرك مايوم جفلته
كصبه اعلى الجرف يدفعها روج الضيم
ويحنيني الهوى بس طبعي عدلته
______________________________________________________________________
ياعراق
يريدونك تضيع وانتة نور بليل *** وتموت من العطش يالماي يردونك
ويضيعونك عجيب وانتة مثل الريح *** وين بيا مكان اتضيع يلكونك
مشوك بدرب ما مات جدمك بيه *** وحتى اتضيع كلش شدو اعيونك
وغشو عينك وايدك مزنجلة ومجتوف *** تهد هدة اسد لو ناس ينخونك
يل المغفي الجمر منقلة وبيك اتنام *** وهمة رماد موكة ما يجوونك
اذا ظaك طلعته وظل وراك ايحوم *** ابد لتخاف منهم ما يظلمونك
عاشرنة التعب والاه والحرمان *** كلها لخاطرك ولخاطر اعيونك
صرنالك جسر للنجم عبرناك *** وصغنة من الحزن ضحكات لعيونك
تعلكنة قطع سودة وعليها ارواح *** ما جنة قطع لا كحله لعيونك
يردونك صبخ والملح ياكل بيك *** ويردونك تبور وما يزرعونك
ويردونك تجف والماي يطلب ماي *** ويردونك تنام وما يندهونك
ما يدرون عركك بالارض ميموت *** ترد تحيه وتعيش شما يكطعونك
ذاك حسين حي وصير انتة مثل حسين *** بالشدة الخريطة اتصير ميمونك
يااااا مدري شوصفك شرد اكولن بيك *** عراق والعمر ما يسوة من دونك
ليلى انتة صرت والمثل ما ينقاس *** وشعبك من محبتك صار مجنونك
_________________________________________________________________________
♥ درامـــــــــــــــــــــــــــــــيات + ابوذيــــــــــــــــــــــــــــــــــات ♥
ارخصك عالجروح وهذا خلة
تلجمة وكلبي خاف يريد خلة
الوفيت وياه كبلك راح خلة
اجة المايشتري يعاين علية
اجلي بحديد الزمن مبرد وانة منجلي
بس جية الموت مامنها ابد منجلي
يكولون ليل الحزن لابد وان منجلي
وتطلع علينة شمس لمن وكتها يحن
وجف الهجر حنتة للحنة يرجع يحن
يفلان تدري شوكت كلبك علية يحن
لمن على السنبلة يعطف كلب منجلي
مهلة انطيني واصبرلي لعلماك
اخاف تكول مايدري لعلماك
اني الساري الواكف لعلماك
امنطيح اطيح خركة اعلة الوطية
راح وكسر خاطري ولملم طيوفة وشال
ونهر المودة نشف ضلت اجروفة وشال
والدهر ماعافني رد عالجفوف وشال
وماعفت انة عشرتك كلبي اعلة حبك ضل
للهجر شو تعتني وعلاوصل كلبك ضل
بجتافي اغطي الشمس بالصيف الملك ضل
ولو مر عليك الشتى لفني اعلة صدرك شال
الحزن لايك على كلبي ويافت
فت كلبي ومعى حيلي ويافت
غبت وانتهت كلش ويافت
اشم بالذيل والراس البلية
كلي الربع بينو كتلة الربع ضلو
كلي اشعجب مااجو كتلة اعتقد ضلو
كلي تعرف السبب كتلة السبب ضلو
درب العلينة صعب لو عاذلن مرهم
كلي طبعهم شنو كتلة الحلو مرهم
كلي اذا مااجو كتلة ان عدل مرهم
كلي اشو غيمت كتلة الربع ضلو
تحب بية طبع لاذم ولاداس
وجدمي مامشة الشينة ولاداس
لهذا ماربح حظي ولاداس
وصفة حتى الربح خسران الية
تدريني عندي كلب لاحن ولا راح الة
جل طير تعبان لتظن تجد راح الة
وبيامة هم مادرة اشكضة اشبقة اشراح الة
ينكسر ظهر الطير عالبيضة هو يوكف
وضعنك يصاحب زمن لاتعتقد يوكف
المال ماخلة اخو بالضيج الك يوكف
اتبع ضعنهم مشي لامي ولا راح الة
زلمة اليطيحة الوكت والوحدة يوكف
انة من الجرح ماخاف لوسال
يرى شامت واخاف شلون لوسال
سيفك بالجذب لعداي لوسال
علي هد واكولن هد الية
شيب الذي ابهامتي هموم الوكت دجتة
وسوالف بالكلب خنجر غدر دجتة
ومن الشماتة ملح جابت الة ودجتة
بسجين عمية وتكص كلبي وضكت كصتك
وتك ايد كص الدهر وسيف الغدر كصتك
شو بس علي من اجي تلطم لطم كصتك
مثل المغيسل صفت كصتك مثل دجتة
